Poslovne vijesti - Makedonija

Горивата поевтинуваат од 2 до 3,5 денари

Од денеска нафтените деривати се продаваат по пониски цени од 2 до 3,5 денари за литар, зависно од дериватот.

Тоа значи дека малопродажните цени се намалени во просек за 4,67 отсто. Така цената на ЕУРОСУПЕР БС-95 изнесува 71 денар за литар, а на ЕУРОСУПЕР БС-98, 73 денари за литар.

Малопродажните цени на ЕУРОДИЗЕЛ (Д-Е В) и на Екстра лесното масло за домаќинство (ЕЛ-1) се намалуваат за 3,50 денари за литар.

Цената на ЕУРОДИЗЕЛ (Д-Е В) изнесува 63 денари, додека на Екстра лесното масло за домаќинство (ЕЛ-1) изнесува 54 денари.

Малопродажната цена на мазутот М-1 НС се намалува за 2,04 денари за килограм, па сега ќе се продава за 40,403 денари.